Mga Tula
Kalayaan
Kamay na humihila
Kamatayan mula sa lupa
Pilit na humuhulagpos
Dugo at lakas, nauubos
Kasamaang tumutulak
Maling daang tinahak
Nahulog sa bangin
Bnayad na tinangay ng hangin
Mga maskarang nakapaligid
Totoong pagkatao'y sumisilip
Anghel nga ba talaga?
O nagpapaka-santo at santa?
Patuloy na dinudurog
Pusong bato'y binubusog
Karahasang dumadaloy
Sa impiyerno na ba tutuloy?
Anong nagawang pagkakasala
Para ito'y aking matamasa?
Buhay ay sinisingil?
Ng isang nagkukubling pangil
Ninakaw lahat
Sa huli'y naging salat
Walang natira kahit dignidad
Pag-asa'y binaliktad.
Void
Sigw ng lubid
Dugong sumisilip
Talim ng kadiliman
Hininga'y hinila sa kawalan
Kaluluwa'y tumakas
Konsensya'y 'di nagpumiglas
Katawan ay nanahimik
Gaya ng nabunot na tinik
Kaloobang nawasak
Ang mga luhang bawat patak
Init ng pag-ibig, 'di naging sapat
Sa kahinaan, 'di naging salat
Nakakulong sa selda ng pag-iisa
Sa paghihirap ay sanay na
Nahulog sa bulkang nagbubuga
Buhay at tuluyan nang hindi naisalba.
Comments
Post a Comment